هدفنا هو التقدم والتطور والتغير و اصلاح الذات قبل الاخرين
 
الرئيسيةس .و .جبحـثالتسجيلدخول

شاطر | 
 

 البنات دول ؟؟؟؟؟؟؟؟؟؟؟؟؟؟؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Mostafa



ذكر
عدد الرسائل : 3543
العمر : 29
الكليه : خدمه اجتماعيه
تاريخ التسجيل : 19/10/2008

بطاقة الشخصية
اللعب: طب خلى الدنيا تضيقك يوم

مُساهمةموضوع: البنات دول ؟؟؟؟؟؟؟؟؟؟؟؟؟؟؟؟؟؟؟   الجمعة يناير 02, 2009 1:46 am

الاعتقاد السائد هو أن البنات ما وراهاش حاجة غير الكلام فى الموضة وتسريحات الشعر والماكياج و مين عاكسنى ومين بصلى مين هايموت ويكلمنى ..
وان فيه جزء منهم بيتوتى يعنى مالهوش غير فى شغل المطبخ والقعدة أمام التليفزيون وحفظ الاغانى والافلام..



ومين قال ايه ويقصد ولا مايقصدش ..
طبعا أنا مابتكلمش عن المرأة المصرية لانى عارفة انكم هتقولوا دى واخدة حقها تالت ومتلت وليها دور فى البرلمان وبقيت وزيرة وعضوة فى الاحزاب وكمان ممكن تخلع وتطلق زى ماهى عايزة..
لكن أنا بتكلم عن البنت المصرية اللى لسه مشافتش دنيا المرمطة واللى الكل بيبصلها على انها كائن ضعيف مسالم وممكن يستغل بسهولة ويسلم برضه بسهولة..
يعنى مش أكتر من انها سمكة ممكن اصطيادها بطعم مناسب وجذاب..
وبعدين شويها وأكلها بالهنا والشفا " احتمال " بس اللى أكيد ان مش كل البنات راكدين فى الميه ولو طلعوا منها يموتوا..



فيه بنات كتير عايشين على الارض وشايفين الدنيا وفاهمين قطارها ماشى ازاى ومحطاته فين ..
ودول بنات ذكية وبتفهم, بيشوفوا من بعيد لبعيد وبيتعلموا من بعيد بدون مايقربوا للخط الاحمر..
بس للأسف الناس برضه بتبصلهم على انهم متحررين وعارفين اللى فيها وبتعتبر ذكائهم نوع تانى ممكن يستغل أسوأ استغلال علشان كده تلاقى الناس بتتعامل مع النوع ده من البنات ببجاحة وبأقصر الطرق وده باعتبار ان ذكاءهم هايخليهم يمشوا أمورهم..


وفيه بنات بقى بتجيب من الاخر لانهم عارفين ان مهما عملوا ومهما راحوا موصومين بوصمة انهم بنات فى مجتمع الولد فيه هو بس اللى من حقه يعمل أى حاجة ويقول اللى هو عايزه من غير ماحد يعلق , والغريبة ان لسه فيه ناس لحد دلوقتى بتردد جملة " دا ولد وهو حر مفيش حاجة هاتضره " .
أما البنت فلازم يقفولها على الوحدة ويراقبوا تصرفاتها وقالت ايه ولمين وكانت واقفة بتتكلم وهى بتضحك ولا وهى مكشرة ده باعتبار ان البنت لما تضحك أو تبتسم وهى بتتكلم تبقى خرجت عن حدود الادب وتبقى بترسم وبتعيش الدور..



ولو اتكلمت وهى مكشرة تبقى برضه بترسم دور الادب والبنت اللى عايشة حياتها جد..
وياما تحت السواهى دواهى وراء التكشيرة دى أكيد فيه مليون سر وسر..
أما بقى لو البنت هادية بطبعها أو رقيقة يبقى يا سلام على السهوكة والرسم اللى على تقيل ويبقى هما دول البنات اللى نافعة واللى بتحاول تمشى أمورها بالصوت الهادى والمياصة والسهوكة..
ايه فى ايه؟!

خلاص خنقتونا لاكده عاجب ولاكده عاجب ساكتين وحشين بنتكلم برضه وحشين..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سارة

avatar

انثى
عدد الرسائل : 494
العمر : 26
الكليه : ان شاء الله هندسة عن قريب
تاريخ التسجيل : 20/07/2008

مُساهمةموضوع: رد: البنات دول ؟؟؟؟؟؟؟؟؟؟؟؟؟؟؟؟؟؟؟   الجمعة يناير 02, 2009 3:53 pm

على فكرة انت عايز تبين ان انت عارف كل انواع البنات
والموضوع دة ثبت انك ما تعرفش حتى انواع الاولاد مش البنات
وانت عايز تتدور على اى حاجة تدينهم بيها وخلاص
مش مهم الكلام دة صح و لا غلط
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Mostafa



ذكر
عدد الرسائل : 3543
العمر : 29
الكليه : خدمه اجتماعيه
تاريخ التسجيل : 19/10/2008

بطاقة الشخصية
اللعب: طب خلى الدنيا تضيقك يوم

مُساهمةموضوع: رد: البنات دول ؟؟؟؟؟؟؟؟؟؟؟؟؟؟؟؟؟؟؟   الجمعة يناير 02, 2009 11:03 pm

انا هعتبر كلامك ده انبهااااااااااااااار بموضوعى

وعلى فكره يا ساسووووووو حاولى تشوفى كلامك لانه ممكن يكون يزعل

وانا مقولتش انى اعرف البنااات بالعكس

انا مقتنغ جدااااااااااا بان البنات دول احلى وجمل حاجه ف دنيتنااااااااااااااااااااااا

ويمكن ردك ده رد فعل عاااااااااادى جدا لانك اكتشفتى شخصيتك هنا ف نوع من انواع البنات ديه

ااااااااااااه قبل مانسى
نورتى التووووووووووووبك

وميرسى على ردك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سارة

avatar

انثى
عدد الرسائل : 494
العمر : 26
الكليه : ان شاء الله هندسة عن قريب
تاريخ التسجيل : 20/07/2008

مُساهمةموضوع: رد: البنات دول ؟؟؟؟؟؟؟؟؟؟؟؟؟؟؟؟؟؟؟   الإثنين يناير 05, 2009 3:16 pm

لو كان ردى زعلك معلش وبعدين انا بقول رايى
ولو مش عاجبك اضمن ان انت تحط موضوع وسارة مش هترد علية ان شاء الله

الموضوع جميل اوى
تقبل مرورى
هو دة اللى انت عايزة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سارة

avatar

انثى
عدد الرسائل : 494
العمر : 26
الكليه : ان شاء الله هندسة عن قريب
تاريخ التسجيل : 20/07/2008

مُساهمةموضوع: رد: البنات دول ؟؟؟؟؟؟؟؟؟؟؟؟؟؟؟؟؟؟؟   الإثنين يناير 05, 2009 4:01 pm

معلش والله يا اسلام مش عايزاك تزعل بس انا بجد اتضايقت جدا من الموضوع دة
يرضيك مثلا اجى اقل اصناف الاولاد
واد شايف نفسة
والتانى خنيق جدا
و التالت سى السيد
واقولك انت منهم
طبعا اكيد هتتضايق جدا لان مش كل اصناف الاولاد كدا

خلاص كدا
اسفة سابع مرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
البنات دول ؟؟؟؟؟؟؟؟؟؟؟؟؟؟؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
OURCIS :: الاقسام :: الموضوعات العامه :: الموضوعات الاجتماعيه-
انتقل الى: