هدفنا هو التقدم والتطور والتغير و اصلاح الذات قبل الاخرين
 
الرئيسيةس .و .جبحـثالتسجيلدخول

شاطر | 
 

 زوجه زكيه.................؟؟؟؟!!!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
lailaa

avatar

انثى
عدد الرسائل : 565
العمر : 31
الكليه : متخرجه
تاريخ التسجيل : 19/07/2008

بطاقة الشخصية
اللعب: نصيحتي لك ايها المحب لاتترك حبك ولا تكسره ولا تخسره فليس لك ملاذ ولا ناس سواه فهو حياتك كلها تمسك به ولا تتركه يضيع (( كما فعل من قبلك ))

مُساهمةموضوع: زوجه زكيه.................؟؟؟؟!!!!!!   الأحد سبتمبر 14, 2008 12:55 pm

اولا انا عارفه ان هنا ممكن مش يكون في متجوزين بس انا حبيت الفكره دي وياااااااااااريت كل البنات تتعلم منها عشان بكره ..........وقولو لي بقي لو انتو في مكان اي ست متجوزه هتتصرف ازاي بجد؟؟؟؟؟؟؟؟؟؟؟
ياله نشوف ....................
مش عارفه أعمل له إيه؟؟! من وقت ما رجع من الشغل وهو مكشر ومهموم ،قاعد فى الكرسى الهزاز وباصص للتليفزيون وهو مش عارف إيه إللى فيه ولو قفلته مش هيحس. متأكده ان حصل حاجه فى الشغل وهو مش عاوز يتكلم عنها

آه من الرجاله وطبعهم الغريب، يفضلوا يكتموا فى نفسهم لحد ما يعجزوا بدرى، كل إللى قالهولى لما سألته 'مالك؟' –مفيش، مشاكل فى الشغل، ما تشغليش بالك

عجيبه والله، ان مكنتش أنا أشغل بالى بيه وبكل إللى يهمه ويزعله أومال اشغل بالى بمين؟ وهو إن ما حكى لى هيحكى لمين؟!! مش عاوزه اضغط عليه زياده بالأسئله علشان ما تزيد خنقته ويبقا من الشغل والبيت. دبرنى يا رب؛ مش ممكن أسيبه ينام زعلان كده ؛أخاف عليه

فجأه خطرت على بالى فكره وبدأت التنفيذ فوراً وقلت بصوت عالى

- لذيذ أوى الفيلم ده ، مع إنى مش فاكره اسمه إيه؟

- نعم؟؟! بتؤولى إيه؟

- الفيلم إللى شغال، عاجبنى بس مش عارفه اسمه

إلتفت يبص على الفيلم وبعدين قال

- اسمه ' حب البنات' مفروض تكونى حفظتى اسمه من التكرار

- آه صح... 'عشق البنات' ، بييجى كتير بس مش بركز على الاسم

- بقولك اسمه 'حب البنات مش عشق البنات' ركزى

بمنتهى الاستهبال قلت...

- لا ، اسمه 'عشق البنات' ؛ فتحوا محل اكسيسوريز جديد فى المول وسموه على اسم الفيلم ، حتى الكيس عندى جوا ،اسمه عشق البنات ، مش هتعرف اكتر منى فى الحاجات دى

يااااااه، أخيراً شِِبه إبتسامه بانت على ملامحه....يا مُسَهل

- إنتِ علطول بتآوحى وتجادلى كده؟؟!! بتسألى ليه لما إنت عارفه؟؟ وبعدين صاحب المحل هو حُرفى اسم محله لكن اسم الفيلم زى ما بقولك

- إنت زعلان ليه؟؟ دلوأت تيجى الbreak ويجيبوا اسم الفيلم تانى، تـــــراهــــن ؟؟

- هو إحنا كل ما نختلف على حاجه تراهنينى؟؟ عموماً هراهن علشان واثق فى نفسى زى كل مره

- حدد قيمة الرهان

- هحتفظ بيها لنفسى بعد ما افوز عليكى

- هه ، أوهام ،،،،، هنشوف

الخطه نجحت وتجاعيد جبينه فكت شوى وبانت ابتسامه حلوه على وشه اتحرمت منها طول اليوم ، بينى وبينكم انا عارفه اسم الفيلم بس بستهبل، عاوزه اجره للكلام ولو فى موضوع هايف، حاجه تخرجه من موود الزعل من غير غلاسه منى ولا زهق وضغط زياده له

اتخضيت لما فوقت على صوت ضحكته وصوته العالى وهو بيصرخ زى الأطفال

- أهوه ؛ خسرتى يا بنوته ، تعرفى تقرى اسم الفيلم ولا اجيبلك النضاره؟ استهجاهولك.... ح.ب ا ل ب ن ا ت يعنى حب البنات

- ههههههههههه ، عادى ؛ أنا متعوده على كدا، ما إنت إللى بتفوز دايماً وفى كل حاجه، جت على الفيلم يعنى ، وبعدين أنا مش خسرانه حاجه، مهما كانت قيمة الرهان بردو انت إللى هتدفعها، كله من جيبك

- ومين قالك إنى هطلب حاجه من جيبى؟ أنا هطلب منك إنتِ

مثلت إنى قلقانه ومتوجسه من طلباته وقلت بتردد

- خييييييييييييييييييييير

- هو طلب واحد مفيش غيره ، إوعى تقولى لى 'لأ' على أى حاجه بعد كدا، طاعه عمياااء

- إيه الديكتاتوريه دى؟؟! دا استبداد وبعدين موضوع الرهان مايستاهل كل ده

- مليش دعوه ، إنتِ خسرااانه ، والخسران يسمع الكلام وينفذه

- أمرى لله ، بس بكره ييجى عليك الدور وانقض الرهان ده خالص، انت اصلاً هتزهق من طاعتى العمياء دى ، هو أنا ينفع أكون أنا من غير ما أعارضك؟

- الصراحه....لأ ، بس أهى تجربه ،علشان استريح شوى واعيش فى سلام

- إيه؟ تستريح منى؟؟ هو أنا بضايقك للدرجه دى؟

- لا والله، مش قصدى ،حقك علىَّ ،وليكى علىَّ يا ستى إننا نطبق الرهان من بكره مش النهارده

- طب ممكن أطلب منك طلب بقا؟؟؟

- أأمرى

- إنت زعلان ومكشر ليه طول اليوم؟

- ههههههههههههههههههههههه، كنت عارف إنك مش هتستسلمى بسهوله ،شوفى يا ستى.........

وحكى ،وعرفت الحكايه كلها، سمعت واتكلم واتناقشنا ، حتى وان ما قدرتش أحل المشكله فعلى الأقل خففت عنه المشكله شوى وشغل عقله بحاجه غيرها ولو لثوانى ورجعت له ابتسامته الحلوه...استراحه قبل ما يواصل معركته من جديد

وبعدين مين قال انى خسرانه؟؟!! دى أحلى خساره فى الدنيا إللى تكون مكافئتها أحلى ابتسامه وأصفى ضحكه من شفايف أعز إنسان ، وهو أنا حتى من غير رهان كنت أجرؤ أقول له 'لأ' بجد على أى حاجه؟؟!!

آه قبل ما انسى...اكتر سؤال يضايق أى حد فى الدنيا ويخنقه منك لو كررته كتير 'مالَك؟؟' إللى عاوزه تطلق -بعد الشر- تسأله لزوجها كام مره فى اليوم قبل الأكل وبعده بسبب ومن غير سبب وأنا اضمن لها النتيجه بالتلاته وخصوصاً لو هو عصبى وخُلقُه ضيق حبتين ، سيبيه براحته لو عرفتى تخرجى الكلام بالحُسنى كان بها لو ما عرفتى هو مش هيلاقى غيرك يحكى معاه حتى لو بعد حين (إلا إذا كان عنده غيرك بآ )، وإنتَ يا أستاذ...إتكلم وفضفض بدل ما الست تشك فيك وانتو عارفين ان شيطان الستات علطول حاضروترجع مصانع الاكياس البلاستيك تشتغل من جديد...مفيش أنقص ولا أعيل من عقول الستات

يللا بقا....سعيده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
samaa

avatar

انثى
عدد الرسائل : 994
العمر : 31
الكليه : الاداب
تاريخ التسجيل : 20/07/2008

مُساهمةموضوع: رد: زوجه زكيه.................؟؟؟؟!!!!!!   الأحد سبتمبر 14, 2008 2:27 pm

جميله قوووووى
بس تفتكرى يا ليلى نقدر نعمل كده
ده انا فى مشكله صغيره وجالى اكتئاب هاعمل ايه بعد كده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
FARAH

avatar

انثى
عدد الرسائل : 3462
العمر : 22
الكليه : لسه مدارس
تاريخ التسجيل : 19/07/2008

بطاقة الشخصية
اللعب: Are U ReaDy To HeaR ThaT ?????

مُساهمةموضوع: رد: زوجه زكيه.................؟؟؟؟!!!!!!   الأحد سبتمبر 14, 2008 4:56 pm

هههههههههههههههههههه
انا لسه بدرررى عليااااااا
خليكو انتو مهموين بجوازكم المهمومييين دوووووووووووول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lailaa

avatar

انثى
عدد الرسائل : 565
العمر : 31
الكليه : متخرجه
تاريخ التسجيل : 19/07/2008

بطاقة الشخصية
اللعب: نصيحتي لك ايها المحب لاتترك حبك ولا تكسره ولا تخسره فليس لك ملاذ ولا ناس سواه فهو حياتك كلها تمسك به ولا تتركه يضيع (( كما فعل من قبلك ))

مُساهمةموضوع: رد: زوجه زكيه.................؟؟؟؟!!!!!!   الأحد سبتمبر 14, 2008 6:49 pm

هههههههههههههههههههه

بكره اتفرج عليكي يا بوكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mostafaelkoptan

avatar

ذكر
عدد الرسائل : 331
العمر : 28
الكليه : فنون مسرحيه
تاريخ التسجيل : 18/07/2008

بطاقة الشخصية
اللعب: 25

مُساهمةموضوع: رد: زوجه زكيه.................؟؟؟؟!!!!!!   الإثنين سبتمبر 15, 2008 5:38 am

جامد جدا الموضوع ده بس علشان نعرف ان الراجل المتجوز بيبقى شابل هموم وسااااااااااااااااكت مش عاوز يزعل الى حواليه المفروض بقى نرد الموضوع ده بالمعامله الحسنه والتقدير.
موضوع جميل ومفيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.desha.4t.com
Doda_2008

avatar

انثى
عدد الرسائل : 90
الكليه : لا يوجد
تاريخ التسجيل : 06/08/2008

مُساهمةموضوع: رد: زوجه زكيه.................؟؟؟؟!!!!!!   الإثنين سبتمبر 15, 2008 1:10 pm

ههههههههههههههههههههه الموضوع جامد جدا يا لولو
انا بردو الحمد لله لسة بدرى عليييييييييا
بس يا مصطفى هو لازم يحكى عشان يخفف عن نفسوا شوية ويعرف يحل المشاكل , وزوجتوا هتكون سعيدة ومرتاحة وهو بيحكلها حتى لو كانت مشكلة صغيرة , والزوجة الذكية بقي هى الى تخفف عنه
تسلمي يا اجمل بنوتة في الدنياااااااا ع الموضوع الجميل ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شذا

avatar

انثى
عدد الرسائل : 1153
العمر : 28
الكليه : خدمة اجتماعية
تاريخ التسجيل : 19/07/2008

مُساهمةموضوع: رد: زوجه زكيه.................؟؟؟؟!!!!!!   الإثنين سبتمبر 15, 2008 3:59 pm

الموضوع فعلا جميل اوى يا ليلى
وياريت الكل يتعلم منه الزوج والزوجة
ربنا يوفقك يا جميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nono

avatar

انثى
عدد الرسائل : 2464
العمر : 26
الكليه : اداب
تاريخ التسجيل : 28/07/2008

بطاقة الشخصية
اللعب:

مُساهمةموضوع: رد: زوجه زكيه.................؟؟؟؟!!!!!!   الإثنين سبتمبر 15, 2008 9:53 pm

والله موضوع جميييييييييييييييييييييل جدااااااااااااااااااااااااااااااااااااا
بجد ومفيد كماااااااان جداااااااااااااااااااااااااااااا
وشكرا على النصيحححححححححححه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Asmaa
CO_Admin
CO_Admin


انثى
عدد الرسائل : 567
العمر : 29
الكليه : اداب
تاريخ التسجيل : 15/07/2008

بطاقة الشخصية
اللعب: 25

مُساهمةموضوع: رد: زوجه زكيه.................؟؟؟؟!!!!!!   الثلاثاء سبتمبر 16, 2008 3:12 pm

فعلا الزوجه هنا كانت زكيه وهاديه
بس بينى وبينك الراجل كان اهدى منها وقالها نستنى البريك ونشوف اسم الفيلم
واحد غيره يقولها وكمان بتجادلي وانتى مش عارفه حاجه عيشه تزهق Very Happy Very Happy
لازم الصبر من الاتنين
وميرسي اوى على الموضوع الجميل ده

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lailaa

avatar

انثى
عدد الرسائل : 565
العمر : 31
الكليه : متخرجه
تاريخ التسجيل : 19/07/2008

بطاقة الشخصية
اللعب: نصيحتي لك ايها المحب لاتترك حبك ولا تكسره ولا تخسره فليس لك ملاذ ولا ناس سواه فهو حياتك كلها تمسك به ولا تتركه يضيع (( كما فعل من قبلك ))

مُساهمةموضوع: رد: زوجه زكيه.................؟؟؟؟!!!!!!   الثلاثاء سبتمبر 16, 2008 11:52 pm

بجد انا فرحانه اوي اوي من ردودكم دي

يارب يكون فادكم بحاجه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
زوجه زكيه.................؟؟؟؟!!!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
OURCIS :: الاقسام :: الموضوعات العامه :: الموضوعات الاجتماعيه-
انتقل الى: