هدفنا هو التقدم والتطور والتغير و اصلاح الذات قبل الاخرين
 
الرئيسيةس .و .جبحـثالتسجيلدخول

شاطر | 
 

 حكاية ولد وبنت من اول بحبك وبموت فيكى لحد ما يبصلها من فوق لتحت ويقولها سورى ما وعدنكيش بحاجة !!!!!!!!!!!!!!! فى ناس كده فى الدنيا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شذا

avatar

انثى
عدد الرسائل : 1153
العمر : 28
الكليه : خدمة اجتماعية
تاريخ التسجيل : 19/07/2008

مُساهمةموضوع: حكاية ولد وبنت من اول بحبك وبموت فيكى لحد ما يبصلها من فوق لتحت ويقولها سورى ما وعدنكيش بحاجة !!!!!!!!!!!!!!! فى ناس كده فى الدنيا   الإثنين نوفمبر 17, 2008 5:47 pm

اكششششششششن (( فى
[size=21]الجامعة ))





هو - بحبك

هي = طيب


هو -باقولك بحبك

هي = أوكى عرفت خلاص

هو - يابنى ادمه انا بحبك بجد

هي = طب وانا اعمل ايه.؟

هو -حبينى زى مابحبك

هي = انا باعتبرك اخ وصديق ومابافكرش فيك غير كده

هو - انتى متحجرة الاحساس والمشاعر..تلاقى فيه حد تانى فى حياتك

هي = وهو لو انا ما حبيتكش يبقى بحب غيرك؟؟ تفكير غريب جدا

هو - ارجوكى ادينى الفرصة..افتحى قلبك لحبى وجربى,
ماتظلمنيش..لو ماحبيتينيش انا هاموت نفسي

هي =لا وعلى ايه..خلاص ياسيدى ..اعتبرنا مرتبطين مؤقتا

هو - هاعيشك ملكة متوجة على عرش حياتى كلها..أنا ليكى وملك ايديكى..احلمى وأحلامك أوامر

...................................................



(( فى البيت ))



هي = معقول يكون فيه حد ممكن يحبنى الحب دا كله؟؟

طب أنا رافضاه ليه؟
مش ممكن تكون سعادتى معاه؟
انسان رائع..رقيق..حساس وبيحبنى
أنا هاحبه زى ماهو بيحبنى..لأ..أكتر ماهو حبنى

.............................................



(( على التليفون ))



هو -عازمك النهارده على الغدا والسينما

هي = افندم؟؟

هو - ايه..كلامى غامض؟

هي = انا اسفه..ماقدرش اخرج معاك مادام علاقتنا مش رسمية

هو - اتنين بيحبوا بعض ومن حقهم يتشاركوا اللحظات الحلوه مع بعض..دى خروجة بريئه.. عاوز نكون على راحتنا مع بعض

هي = مش هاينفع

هو - يبقى انتى مش بتحبينى

هي = طب قولى انت..لو انا اختك..هاترضى انى اخرج مع واحد تانى غريب؟

هو -( بغضب) لأ طبعا..دانا كنت قطمت رقبتك

هي = امال عايز تخرج معايا ليه؟

هو -آآه.. دى حاجه ودى حاجه تانيه

هي = هو انا مش بنت ناس برضه وليا أخ؟؟

هو - أنا مش هاثق فى أى حد تانى..لكن انا عارف نفسي وانتى عارفانى

هي = المبدأ واحد.. أخويا برضه ما يعرفكش

هو - انتى بتثبتيلى دلوقتى انك مش بتحبينى..متشكر قوى على الجرح اللى سبتيه جوايا

هي = وهو يا كده يا إما مش بحبك؟

هو - انتى مش واثقه فيا..وانا بحاول اعمل المستحيل عشان أسعدك..ليه ياربى عذبتنى بالحب؟ليه خلقتلى قلب وعلقته بانسانه قاسيه مش مقدره حبى؟

هي = خلاص خلاص..أنا اسفه..بس اوعدنى انك مش هاتكررها تانى

هو - خليها لوقتها..هاستناكى قدام السينما الساعه 6 بالليل

.....................................


(( فى البيت ))

هي = معلش..تضحية صغيره مش هاتضر حد..ماكانش لازم اكسر قلبه واقابل حبه بقسوه
[size=21]هو اللى عملته ده صح ولا غلط؟

..بلاش أفكر كتير..هو بيعمل كده عشان بيحبنى وعايز يسعدنى..هدية بسيطة منه مش لازم ارفضها
ماحدش بقى بيحب الحب ده كله فى زماننا ده
....................


(( فى السينما ))


هي = انت مش قلتلى انه فيلم خيال علمى؟؟
دا طلع فيلم رومانسي

هو - حبيت اتفرج عليه انا وانتى..قصته رائعه..وكأنها اتعملتلنا

هي = ومالقيتش مكان أحسن من اخر صف فى القاعه؟

هو - أعمل ايه بس..جينا متاخرين والصفوف قدام كلها محجوزة

هي = الصاله شبه فاضيه..كلامك مش مريحنى

هو - ارجوكى بقى..احنا هانقلبها خناقه ولا ايه..عيشي معايا اللحظه

هي = ايه ده؟..ايه السفاله دى..ابعد ايدك عنى..انت بتعمل ايه؟

هو - انا بحبك قوى..صعب أتحكم فى نفسي وكل جمالك ده
قدامى..نفسي أشوف شعرك..اقلعى الايشارب

هي = انت اتجننت؟
والله لو ما لميت نفسك هافضحك فى السينما كلها

هو - يبقى هاتفضحى نفسك اولا واخيرا..الناس شايفينا داخلين مع بعض وقاعدين مع بعض..انتى فاكره انهم مش فاهمين احنا دفعنا بقشيش زياده عند الشباك ليه؟؟

هي = انت دفعت لوحدك وانا رحت اجيب الفيشار, واتفاجئت لما لقيت رقم التذاكر بتاع القاعه دى والصف الأخرانى ده

هو - انا بحبك وباموت فيكى.. عايز اترجم الحب ده لواقع..أنا ملكك وانتى ملكى,روح واحده فى جسمين..خلينا نتعامل كجسم واحد

هي = اللى انت بتعمله ده حرام

هو - انا بحبك..وحبى ليكى هايفضل موجود دلوقتى وبعد ما نتجوز..هاتفرق ايه أكتر من ورقة مأذون؟؟
انتى مش واثقه فيا ولا انتى مش بتحبينى؟

هي = حبك عاوزنى أكسر كل اللى اتربيت عليه

هو - الزمن دلوقتى غير الزمن..وانا وانتى شباب مثقف, وانا مؤمن باحتياجاتك زى مانتى عارفه ان ليا احتياجات
اكتر حاجه عجبتنى فيكى أفكارك الحرة المنطلقة وثقافتك العالية وشخصيتك المستقلة..لكن اللى شايفه دلوقتى واحده شرقية بفكر متخلف بترمى كل أفكارها ورا ظهرها لحظة الاختبار الحقيقى..أنا اسف على كل لحظة افتكرتك فيها بتحبينى بجد..انا حظى كده..كل ما أعمل حاجه أحاول أثبت حبى ليكى بيها تفسريها تفسيرات بشعه وتطلعينى أنا الغلطان فى الاخر

هي = أنا عارفه انك بتحبنى..وانا كمان بحبك...لكن...انا..مش


هو -بحبك وبحب كل حاجه فيكى..انتى جميله قوى

هي = انا حاسه ان كل الناس بتبص علينا

هو - ماتخافيش ..طول مانتى معايا مالكيش دعوه بحد..دى حياتنا وهانحب بعض بطريقتنا

.....................................


(( فى البيت ))

هي = تأنيب ضمير فظيع جوايا..انا ايه اللى عملته ده؟؟
عقلى كان فين لما وافقت؟؟..

يارب سامحنى أرجوك..ماقدرتش استحمل كل الضغط ده على اعصابى

.....................................


(( فى الجامعة ))



هو - ها يا حبيبتى..تحبى نروح فين النهارده؟


هي = مش رايحه فى حته وكفايه بقى لحد كده؟؟

هو - ايه الكلام ده يا حياتى؟

هي = كفايه أرجوك..حاجات كتير قوى جوايا اتغيرت بسببك..بقيت مش أنا.. كلامك دايما هو اللى بيمشى حتى لو انا رافضاه

هو - كلامك ده اكبر دليل انك مش بتحبينى

هي = ارحمنى بقى من الكلمه دى..انت بتحطنى تحت ابتزاز عاطفى بشع وكل ما أحاول ارجع لنفسي تتهمنى انى مش بحبك .. انا عملت كل حاجه ممكنه عشان مش عايزه اخسرك..اتنازلت عن حاجات كتيره قوى..ضعفت قدام توسلاتك

هو - انتى اللى كنتى عايزه كده..كل مره ترفضى وتتمنعى, وبرضه فى الاخر توافقى..انا ماضربتكيش على ايدك وما اجبرتكيش على حاجه

هي = بعد كل الابتزاز العاطفى ده؟؟

هو - ماحدش يقدر يجبر حد على حاجه..كان عندك مطلق الحرية انك ترفضى

هي = مع كل الضغط ده..ماكنتش قادره افكر

هو - ماتحاوليش تلعبى معايا دور القديسة اللى الشيطان غواها..انتى تلاقيكى اصلا كده..كلكم كده وتستاهلوا اللى يجرالكم

هي = انت حيوان بتمشيه رغباته..

هو - انا عمرى ما ضحكت على نفسي ولا عليكى...بالعكس بقى..انا استحملتك كتير قوى..استحملت عندك وسخافتك ورفضك..وكل مره باقول بكره هاتعقل..دلوقتى أنا اللى باقولك مش عايزك..ولا عايز أشوف خلقتك تانى ولو بالصدفة
وماتحاوليش تحكى لأى حد على اللى كان بينا..لأن اللى هايتحرق بالنار فى الآخر هو انتى..هى دى سنة الحياه
باى ياى يا........ياللى عمرى ما حبيتك



المشهد الختامي للقصة تسير البطلة ودموعها علي خدها وحالتها تقطع القلب
اما البطل الجبان فا لقالة ضحية جديدة يضحك عليها

بس مسيرة يوم حيتجرح زي ما جرح

[/size]
[/size]


انا شايفة ان البنت هى كانت ضعيفة مش معنى كده ان الولد صح لا طبعا هو يستاهل الضرب بالنار
بس المفروض بجد ان البنت تبقى قوية وتقد تتحكم فى نفسها ومشاعرها وكلامها وكل تصرفاتها
ماتسلمنش كل حاجة كده بسهولة
فى انتظار ردودكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ساجدة للرحمن

avatar

انثى
عدد الرسائل : 118
العمر : 29
الكليه : اداب
تاريخ التسجيل : 21/08/2008

بطاقة الشخصية
اللعب: 25

مُساهمةموضوع: رد: حكاية ولد وبنت من اول بحبك وبموت فيكى لحد ما يبصلها من فوق لتحت ويقولها سورى ما وعدنكيش بحاجة !!!!!!!!!!!!!!! فى ناس كده فى الدنيا   الثلاثاء نوفمبر 18, 2008 5:22 pm

lol! بجد يا شذا الموضوع اروع من انه يتقال عليه رااااااااائع بجد فعلا هو ده اللى بيحصل و خصوصا فى الجامعات و البنت بتصدق الولد بكل سهوله و الغلط اولا على فكرة بيقع على البنت لان البنت ليها عقل تفكر بيه مش بكل سهوله كدة توافقه على اللى هو عاوزة منها و اخيرا ربنا يهدى كل الشباب و البنات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
شذا

avatar

انثى
عدد الرسائل : 1153
العمر : 28
الكليه : خدمة اجتماعية
تاريخ التسجيل : 19/07/2008

مُساهمةموضوع: رد: حكاية ولد وبنت من اول بحبك وبموت فيكى لحد ما يبصلها من فوق لتحت ويقولها سورى ما وعدنكيش بحاجة !!!!!!!!!!!!!!! فى ناس كده فى الدنيا   الأربعاء نوفمبر 19, 2008 1:34 pm

فعلا والله يا ساجدة عندك حق
البنت المفروض تبقى اذكى وانصح من كده
ماتمشيش ورا اى كلمة حلوة تتقالها
تفكر بعقلها اولا وبعد مايقتنع عقلها بكل حاجة تبدأ بقى تفكر بقلبها شوية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Mostafa



ذكر
عدد الرسائل : 3543
العمر : 29
الكليه : خدمه اجتماعيه
تاريخ التسجيل : 19/10/2008

بطاقة الشخصية
اللعب: طب خلى الدنيا تضيقك يوم

مُساهمةموضوع: رد: حكاية ولد وبنت من اول بحبك وبموت فيكى لحد ما يبصلها من فوق لتحت ويقولها سورى ما وعدنكيش بحاجة !!!!!!!!!!!!!!! فى ناس كده فى الدنيا   الخميس نوفمبر 20, 2008 11:21 pm

يعنى انا مش عارف اقولك ايييييييييييييه

هو الموضوع ده حصلا فعلا مع واحد صاحبى

وبجد انتهى نهاااايه وحشه جدااااااااااااااااااااا

بجد اهنيكى على موضوعك اللى بيناقش قضيه مهمه جداااااااااااااا

ف تقدم

شكرا ليكى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Asmaa
CO_Admin
CO_Admin


انثى
عدد الرسائل : 567
العمر : 29
الكليه : اداب
تاريخ التسجيل : 15/07/2008

بطاقة الشخصية
اللعب: 25

مُساهمةموضوع: رد: حكاية ولد وبنت من اول بحبك وبموت فيكى لحد ما يبصلها من فوق لتحت ويقولها سورى ما وعدنكيش بحاجة !!!!!!!!!!!!!!! فى ناس كده فى الدنيا   الجمعة نوفمبر 21, 2008 11:38 am

بجد موضوع جميل جداااااااااااااا
عجبنى اوووووووووووووى ميرسي ليكي يا شذا جدا
بس الحمد لله البنت لسه فيها الخير ومش استسلمت بسرعه وكانت جواها مبادئ واخلاق
كانوا ديما بيمنعوها عن اى غلط رغم انها كانت بتكلم شيطان بس بردو في النهايه هى مش خسرت اى شئ بالعكس كسبت نفسها واى جرح سببه ليها هيزول بسرعه لانها عرفت اخلاقه كويس وانه مش يستاهلها
في كل ده هو الخسران لانه خسر بنت عندها قيم واخلاق وحتى لو هنقول ضعفت شويه البنت فاى انسان بيغلط المهم في النهايه هى مش خسرت شئ
استمررررررررررى يا شذا

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
K.M.A

avatar

ذكر
عدد الرسائل : 5605
العمر : 26
الكليه : هندسه
تاريخ التسجيل : 15/09/2008

بطاقة الشخصية
اللعب:

مُساهمةموضوع: رد: حكاية ولد وبنت من اول بحبك وبموت فيكى لحد ما يبصلها من فوق لتحت ويقولها سورى ما وعدنكيش بحاجة !!!!!!!!!!!!!!! فى ناس كده فى الدنيا   الأربعاء ديسمبر 24, 2008 4:17 am

بصراحه يا جمااااااااعه
انا شايف ان البنت غلطانه
وطبعا الولد عايز يتشنق اصلا
بس البنت اللى عندها مبادىء مش ممكن تتنازل عنها
بالذات لو المبادىء دى صح

وبجد اجمد حاجه بتشد الولد للبنت هى لما يلاقيها متمسكه باحترامها ومبادئها الاخلاقيه تحت اصعب الظروووف

شكراااااا ياا شذى
استمررررررررررررررررررررررررررى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حكاية ولد وبنت من اول بحبك وبموت فيكى لحد ما يبصلها من فوق لتحت ويقولها سورى ما وعدنكيش بحاجة !!!!!!!!!!!!!!! فى ناس كده فى الدنيا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
OURCIS :: الاقسام :: الموضوعات العامه :: الموضوعات الاجتماعيه-
انتقل الى: